Из лекции 24 февраля 2020 года.
Псалом 113
00:00 (113:1) Чтение с комментариями: Во и҆схо́дѣ ї҆и҃левѣ ѿ є҆гѵ́пта, до́мѹ ї҆а́кѡвлѧ и҆з̾ люді́й ва҄рваръ, (113:2) бы́сть ї҆ѹде́а ст҃ы́нѧ є҆гѡ̀, ї҆и҃ль ѡ҆́бласть є҆гѡ̀. (113:3) Мо́ре ви́дѣ и҆ побѣжѐ, ї҆ѻрда́нъ возврати́сѧ вспѧ́ть: (113:4) го́ры взыгра́шасѧ ѩ҆́кѡ ѻ҆внѝ, и҆ хо́лми ѩ҆́кѡ а҆́гнцы ѻ҆́вчїи. (113:5) Что́ ти є҆́сть, мо́ре, ѩ҆́кѡ побѣ́гло є҆сѝ, и҆ тебѣ̀, ї҆ѻрда́не, ѩ҆́кѡ возврати́лсѧ є҆сѝ вспѧ́ть: (113:6) го́ры, ѩ҆́кѡ взыгра́стесѧ ѩ҆́кѡ ѻ҆внѝ, и҆ хо́лми ѩ҆́кѡ а҆́гнцы ѻ҆́вчїи. (113:7) Ѿ лица̀ гд҇нѧ подви́жесѧ землѧ̀, ѿ лица̀ бг҃а ї҆а́кѡвлѧ: (113:8) ѡ҆бра́щшагѡ ка́мень во є҆зе́ра вѡдна́ѧ и҆ несѣко́мый во и҆сто́чники вѡдны́ѧ.
00:50 (113:9) Не на́мъ, гд҇и, не на́мъ, но и҆́мени твоемѹ̀ да́ждь сла́вѹ ѡ҆ мл҇ти твое́й и҆ и҆́стинѣ твое́й:(113:10) да не когда̀ рекѹ́тъ ѩ҆зы́цы: гдѣ̀ є҆́сть бг҃ъ и҆́хъ;
01:57 (113:11) Бг҃ъ же на́шъ на нб҃сѝ и҆ на землѝ, всѧ҄ є҆ли҄ка восхотѣ̀, сотворѝ.
02:09 (113:12) Ідѡли ѩ҆зы҄къ сребро̀ и҆ зла́то, дѣла̀ рѹ́къ человѣ́ческихъ: (113:13) ѹ҆ста̀ и҆́мѹтъ, и҆ не возглаго́лютъ: ѻ҆́чи и҆́мѹтъ, и҆ не ѹ҆́зрѧтъ: (113:14) ѹ҆́шы и҆́мѹтъ, и҆ не ѹ҆слы́шатъ: нѡ́здри и҆́мѹтъ, и҆ не ѡ҆бонѧ́ютъ: (113:15) рѹ́цѣ и҆́мѹтъ, и҆ не ѡ҆сѧ́жѹтъ: но́зѣ и҆́мѹтъ, и҆ не по́йдѹтъ: не возгласѧ́тъ горта́немъ свои́мъ.
03:17 (113:16) Подо́бни и҆̀мъ да бѹ́дѹтъ творѧ́щїи ѧ҆̀ и҆ всѝ надѣ́ющїисѧ на нѧ̀.
03:48 (113:17) До́мъ ї҆и҃левъ ѹ҆пова̀ на гд҇а: помо́щникъ и҆ защи́титель и҆̀мъ є҆́сть. (113:18) До́мъ а҆арѡ́нь ѹ҆пова̀ на гд҇а: помо́щникъ и҆ защи́титель и҆̀мъ є҆́сть. (113:19) Боѧ́щїисѧ гд҇а ѹ҆пова́ша на гд҇а: помо́щникъ и҆ защи́титель и҆̀мъ є҆́сть.
04:22 (113:20) Гд҇ь помѧнѹ́въ ны̀ блг҇ви́лъ є҆́сть на́съ: блг҇ви́лъ є҆́сть до́мъ ї҆и҃левъ, блг҇ви́лъ є҆́сть до́мъ а҆арѡ́нь, (113:21) блг҇ви́лъ є҆́сть боѧ́щыѧсѧ гд҇а, ма҄лыѧ съ вели́кими.
04:40 (113:22) Да приложи́тъ гд҇ь на вы̀, на вы̀ и҆ на сы́ны ва́шѧ:
04:52 (113:23) бл҃гослове́ни вы̀ гд҇еви, сотво́ршемѹ нб҃о и҆ зе́млю.
05:04 (113:24) Нб҃о нб҃сѐ гд҇еви, зе́млю же дадѐ сыновѡ́мъ человѣ́чєскимъ.
05:19 (113:25) Не ме́ртвїи восхва́лѧтъ тѧ̀, гд҇и, нижѐ всѝ низходѧ́щїи во а҆́дъ: (113:26) но мы̀ живі́и благослови́мъ гд҇а ѿнн҃ѣ и҆ до вѣ́ка.
05:29 Комментарий к исторической части.
