Библейские чтения 30 декабря 2019 года.
Псалом 105
00:00 Аллилу́iа.
00:50 (Пс. 105,1) Исповѣ́дайтеся Го́сподеви, я́ко бла́гъ, я́ко въ вѣ́къ ми́лость его́.
03:07 (Пс. 105,2) Кто́ возглаго́летъ си́лы Госпо́дни, слы́шаны сотвори́тъ вся́ хвалы́ его́?
03:27 (Пс. 105,3) Блаже́ни храня́щiи су́дъ и творя́щiи пра́вду во вся́кое вре́мя.
04:10 (Пс. 105,4) Помяни́ на́съ, Го́споди, во благоволе́нiи люді́й твои́хъ, посѣти́ на́съ спасе́нiемъ твои́мъ,
05:11 (Пс. 105,5) ви́дѣти во бла́гости избра́нныя твоя́, возвесели́тися въ весе́лiи язы́ка твоего́, хвали́тися съ достоя́нiемъ твои́мъ.
09:58 (Пс. 105,6) Согрѣши́хомъ со отцы́ на́шими, беззако́нновахомъ, непра́вдовахомъ:
10:31 (Пс. 105,7) отцы́ на́ши во Еги́птѣ не разумѣ́ша чуде́съ твои́хъ, ни помяну́ша мно́жества ми́лости твоея́: и преогорчи́ша восходя́ще въ чермно́е мо́ре.
10:59 (Пс. 105,8) И спасе́ и́хъ и́мене своего́ ра́ди, сказа́ти си́лу свою́:
11:35 (Пс. 105,9) и запрети́ чермно́му мо́рю, и изся́че: и наста́ви {преведе́} я́ въ бе́зднѣ я́ко въ пусты́ни.
12:01 (Пс. 105,10) И спасе́ я́ изъ руки́ ненави́дящихъ и изба́ви я́ изъ руки́ враго́въ.
13:37 (Пс. 105,11) Покры́ вода́ стужа́ющыя и́мъ: ни еди́нъ от ни́хъ избы́сть.
14:04 (Пс. 105,12) И вѣ́роваша словеси́ его́ и воспѣ́ша хвалу́ его́.
14:28 (Пс. 105,13) Ускори́ша, забы́ша дѣла́ его́, не стерпѣ́ша совѣ́та его́:
14:56 (Пс. 105,14) и похотѣ́ша жела́нiю въ пусты́ни и искуси́ша Бо́га въ безво́днѣй. (Пс. 105,15) И даде́ и́мъ проше́нiе и́хъ, посла́ сы́тость въ ду́шы и́хъ.
15:59 (Пс. 105,16) И прогнѣ́ваша Моисе́а въ стану́, Ааро́на свята́го Госпо́дня.
16:33 (Пс. 105,17) Отве́рзеся земля́ и пожре́ даѳа́на и покры́ на со́нмищи Авиро́на:
16:50 (Пс. 105,18) и разжже́ся о́гнь въ со́нмѣ и́хъ, пла́мень попали́ грѣ́шники.
17:12 (Пс. 105,19) И сотвори́ша телца́ въ Хори́вѣ и поклони́шася истука́нному:
18:32 (Пс. 105,20) и измѣни́ша сла́ву его́ въ подо́бiе телца́ яду́щаго траву́. (Пс. 105,21) И забы́ша Бо́га спаса́ющаго и́хъ, сотво́ршаго ве́лiя во Еги́птѣ, (Пс. 105,22) чудеса́ въ земли́ Ха́мовѣ, стра́шная въ мо́ри чермнѣ́мъ.
19:52 (Пс. 105,23) И рече́ потреби́ти и́хъ, а́ще не бы́ Моисе́й избра́нный его́ ста́лъ въ сокруше́нiи предъ ни́мъ, возврати́ти я́рость его́, да не погуби́тъ и́хъ.
22:04 (Пс. 105,24) И уничижи́ша зе́млю жела́нную, не я́ша вѣ́ры словеси́ его́:
22:31 (Пс. 105,25) и поропта́ша въ селе́нiихъ свои́хъ, не услы́шаша гла́са Госпо́дня. (Пс. 105,26) И воздви́же ру́ку свою́ на ня́, низложи́ти я́ въ пусты́ни, (Пс. 105,27) и низложи́ти сѣ́мя и́хъ во язы́цѣхъ, и расточи́ти я́ въ страны́.
23:35 (Пс. 105,28) И причасти́шася веельфего́ру и снѣдо́ша же́ртвы ме́ртвыхъ:
24:05 (Пс. 105,29) и раздражи́ша его́ въ начина́нiихъ свои́хъ, и умно́жися въ ни́хъ паде́нiе.
24:07 (Пс. 105,30) И ста́ Финее́съ и уми́лостиви, и преста́ сѣ́чь:
26:54 (Пс. 105,31) и вмѣни́ся ему́ въ пра́вду, въ ро́дъ и ро́дъ до вѣ́ка.
27:00, 28:26 (Пс. 105,32) И прогнѣ́ваша его́ на водѣ́ прерѣка́нiя, и озло́бленъ бы́сть Моисе́й и́хъ ра́ди (Пс. 105,33) я́ко преогорчи́ша ду́хъ его́ и ра́знствова устна́ма свои́ма. (Пс. 105,34) Не потреби́ша язы́ки, я́же рече́ Госпо́дь и́мъ.
28:08 (Пс. 105,35) И смѣси́шася во язы́цѣхъ и навыко́ша дѣло́мъ и́хъ:
29:09 (Пс. 105,36) и порабо́таша истука́ннымъ и́хъ, и бы́сть и́мъ въ собла́знъ. (Пс. 105,37) И пожро́ша сы́ны своя́ и дще́ри своя́ бѣсово́мъ,
30:10 (Пс. 105,38) и пролiя́ша кро́вь непови́нную, кро́вь сыно́въ свои́хъ и дще́рей, я́же пожро́ша истука́ннымъ ханаа́нскимъ: и убiе́на бы́сть земля́ и́хъ кровьми́
30:27 (Пс. 105,39) и оскверни́ся въ дѣ́лѣхъ и́хъ: и соблуди́ша въ начина́нiихъ свои́хъ.
30:43 (Пс. 105,40) И разгнѣ́вася я́ростiю Госпо́дь на лю́ди своя́ и омерзи́ достоя́нiе свое́:
31:04 (Пс. 105,41) и предаде́ я́ въ ру́ки враго́въ, и облада́ша и́ми ненави́дящiи и́хъ. (Пс. 105,42) И стужи́ша и́мъ врази́ и́хъ: и смири́шася подъ рука́ми и́хъ.
36:45 (Пс. 105,43) Мно́жицею изба́ви я́: ті́и же преогорчи́ша его́ совѣ́томъ свои́мъ, и смири́шася въ беззако́нiихъ свои́хъ.
37:37 (Пс. 105,44) И ви́дѣ Госпо́дь, внегда́ скорбѣ́ти и́мъ, внегда́ услы́шаше моле́нiе и́хъ:
38:08 (Пс. 105,45) и помяну́ завѣ́тъ сво́й, и раска́яся по мно́жеству ми́лости своея́:
38:54 (Пс. 105,46) и даде́ я́ въ щедро́ты предъ всѣ́ми плѣни́вшими я́. (Пс. 105,47) Спаси́ ны, Го́споди, Бо́же на́шъ, и собери́ ны от язы́къ, исповѣ́датися и́мени твоему́ свято́му, хвали́тися во хвалѣ́ твое́й.
39:38 (Пс. 105,48) Благослове́нъ Госпо́дь Бо́гъ Изра́илевъ от вѣ́ка и до вѣ́ка. И реку́тъ вси́ лю́дiе: бу́ди, бу́ди.
