Библейские чтения 9 декабря 2019 года. Толкование на псалом 102.
Псалом 102
Псало́мъ Дави́ду.
00:00 (Пс. 102,1) Благослови́, душе́ моя́, Го́спода, и вся́ вну́тренняя моя́, и́мя свято́е его́:
01:33 (Пс. 102,2) благослови́, душе́ моя́, Го́спода, и не забыва́й всѣ́хъ *воздая́нiй его́:
01:56 (Пс. 102,3) очища́ющаго вся́ беззако́нiя твоя́, изцѣля́ющаго вся́ *неду́ги твоя́,
02:50 (Пс. 102,4) избавля́ющаго от истлѣ́нiя живо́тъ тво́й, вѣнча́ющаго тя́ ми́лостiю и щедро́тами,
05:20 (Пс. 102,5) исполня́ющаго во благи́хъ жела́нiе твое́: обнови́тся я́ко о́рля ю́ность твоя́.
08:25 (Пс. 102,6) Творя́й ми́лостыни Госпо́дь и судьбу́ всѣ́мъ оби́димымъ.
08:47 (Пс. 102,7) Сказа́ пути́ своя́ Моисе́ови, сыново́мъ Изра́илевымъ хотѣ́нiя своя́.
10:08 (Пс. 102,8) Ще́дръ и ми́лостивъ Госпо́дь, долготерпѣли́въ и многоми́лостивъ.
10:28 (Пс. 102,9) Не до конца́ прогнѣ́вается, ниже́ во вѣ́къ вражду́етъ:
11:12 (Пс. 102,10) не по беззако́ниемъ на́шымъ сотвори́лъ е́сть на́мъ, ниже́ по грѣхо́мъ на́шымъ возда́лъ е́сть на́мъ.
11:40 (Пс. 102,11) Я́ко по высотѣ́ небе́снѣй от земли́, утверди́лъ е́сть Госпо́дь ми́лость свою́ на боя́щихся его́:
12:46 (Пс. 102,12) ели́ко отстоя́тъ восто́цы от за́падъ, уда́лилъ е́сть от на́съ беззако́нiя на́ша.
13:26 (Пс. 102,13) Я́коже ще́дритъ оте́цъ сы́ны, уще́дри Госпо́дь боя́щихся его́.
13:39 (Пс. 102,14) Я́ко то́й позна́ созда́нiе на́ше, помяну́, я́ко пе́рсть есмы́.
14:17 (Пс. 102,15) Человѣ́къ, я́ко трава́ дні́е его́, я́ко цвѣ́тъ се́лный, та́ко оцвѣте́тъ:
14:42 (Пс. 102,16) я́ко ду́хъ про́йде въ не́мъ, и не бу́детъ, и не позна́етъ ктому́ мѣ́ста своего́.
15:48 (Пс. 102,17) Ми́лость же Госпо́дня от вѣ́ка и до вѣ́ка на боя́щихся его́,
16:11 (Пс. 102,18) и пра́вда его́ на сынѣ́хъ сыно́въ, храня́щихъ завѣ́тъ его́ и по́мнящихъ за́повѣди его́ твори́ти я́.
16:48 (Пс. 102,19) Госпо́дь на небеси́ угото́ва престо́лъ сво́й, и ца́рство его́ всѣ́ми облада́етъ.
18:19 (Пс. 102,20) Благослови́те Го́спода, вси́ а́нгели его́, си́льнiи крѣ́постiю, творя́щiи сло́во его́, услы́шати гла́съ слове́съ его́.
19:11 (Пс. 102,21) Благослови́те Го́спода, вся́ си́лы его́, слуги́ его́, творя́щiи во́лю его́.
19:29 (Пс. 102,22) Благослови́те Го́спода, вся́ дѣла́ его́ на вся́комъ мѣ́стѣ Влады́чества его́: благослови́, душе́ моя́, Го́спода.
