Проповедь в храме св. кн. Владимира в поселке им. Свердлова 11 февраля 2018 г. Неделя мясопустная. О Страшном суде. На Евангелие от Матфея:
[Зач. 106.] Егдá же прiи́детъ Сы́нъ человѣ́ческiй въ слáвѣ своéй и вси́ святíи áнгели съ ни́мъ, тогдá ся́детъ на престóлѣ слáвы своея́,
и соберýтся предъ ни́мъ вси́ язы́цы: и разлучи́тъ и́хъ дрýгъ от дрýга, я́коже пáстырь разлучáетъ óвцы от кóзлищъ:
и постáвитъ óвцы одеснýю себé, а кóзлища ошýюю.
Тогдá речéтъ Цáрь сýщымъ одеснýю егó: прiиди́те, благословéннiи Отцá моегó, наслѣ́дуйте уготóванное вáмъ цáрствiе от сложéнiя мíра:
взалкáхся бо, и дáсте ми́ я́сти: возжадáхся, и напои́сте мя́: стрáненъ бѣ́хъ, и введóсте менé:
нáгъ, и одѣ́ясте мя́: бóленъ, и посѣти́сте менé: въ темни́цѣ бѣ́хъ, и прiидóсте ко мнѣ́.
Тогдá отвѣщáютъ емý прáведницы, глагóлюще: Гóсподи, когдá тя́ ви́дѣхомъ áлчуща, и напитáхомъ? или́ жáждуща, и напои́хомъ?
когдá же тя́ ви́дѣхомъ стрáнна, и введóхомъ? или́ нáга, и одѣ́яхомъ?
когдá же тя́ ви́дѣхомъ боля́ща, или́ въ темни́цѣ, и прiидóхомъ къ тебѣ́?
И отвѣщáвъ Цáрь речéтъ и́мъ: ами́нь глагóлю вáмъ, понéже сотвори́сте еди́ному си́хъ брáтiй мои́хъ мéншихъ, мнѣ́ сотвори́сте.
Тогдá речéтъ и сýщымъ ошýюю [егó]: иди́те от менé, прокля́тiи, во óгнь вѣ́чный, уготóванный дiáволу и áггеломъ егó:
взалкáхся бо, и не дáсте ми́ я́сти: возжадáхся, и не напои́сте менé:
стрáненъ бѣ́хъ, и не введóсте менé: нáгъ, и не одѣ́ясте менé: бóленъ и въ темни́цѣ, и не посѣти́сте менé.
Тогдá отвѣщáютъ емý и тíи, глагóлюще: Гóсподи, когдá тя́ ви́дѣхомъ áлчуща, или́ жáждуща, или́ стрáнна, или́ нáга, или́ бóльна, или́ въ темни́цѣ, и не послужи́хомъ тебѣ́?
Тогдá отвѣщáетъ и́мъ, глагóля: ами́нь глагóлю вáмъ, понéже не сотвори́сте еди́ному си́хъ мéншихъ, ни мнѣ́ сотвори́сте.
И и́дутъ сíи въ мýку вѣ́чную, прáведницы же въ живóтъ вѣ́чный.
