Проповедь в храме св. кн. Владимира в поселке им. Свердлова 7 октября 2017 года. Суббота седмицы 18-й по Пятидесятнице. На Евангелие от Матфея, 25. 1-13 (притча о 10 девах):
Тогдá уподóбися цáрствiе небéсное десяти́мъ дѣ́вамъ, я́же прiя́ша свѣти́лники своя́ и изыдóша въ срѣ́тенiе женихý: пя́ть же бѣ́ от ни́хъ мудры́ и пя́ть юрóдивы. Юрóдивыя же, прiéмшя свѣти́лники своя́, не взя́ша съ собóю елéа: мýдрыя же прiя́ша елéй въ сосýдѣхъ со свѣти́лники свои́ми: косня́щу же женихý, воздремáшася вся́ и спáху. Полýнощи же вóпль бы́сть: сé, жени́хъ грядéтъ, исходи́те въ срѣ́тенiе егó. Тогдá востáша вся́ дѣ́вы ты́я и украси́ша свѣти́лники своя́. Юрóдивыя же мýдрымъ рѣ́ша: дади́те нáмъ от елéа вáшего, я́ко свѣти́лницы нáши угасáютъ. Отвѣщáша же мýдрыя, глагóлюща: едá кáко не достáнетъ нáмъ и вáмъ: иди́те же пáче къ продаю́щымъ и купи́те себѣ́. Идýщымъ же и́мъ купи́ти, прiи́де жени́хъ: и готóвыя внидóша съ ни́мъ на брáки, и затворéны бы́ша двéри. Послѣди́ же прiидóша и прóчыя дѣ́вы, глагóлющя: гóсподи, гóсподи, отвéрзи нáмъ. О́нъ же отвѣщáвъ речé и́мъ: ами́нь глагóлю вáмъ, не вѣ́мъ вáсъ. Бди́те ýбо, я́ко не вѣ́сте днé ни часá, въ óньже Сы́нъ человѣ́ческiй прiи́детъ.
