Библейские чтения 2 декабря 2019 года. Толкование на псалом 101.
00:00 (Пс. 101,1) Моли́тва *ни́щаго, егда́ уны́етъ и предъ Го́сподемъ пролiе́тъ моле́нiе свое́.
01:29 (Пс. 101,2) Го́споди, услы́ши моли́тву мою́, и во́пль мо́й къ тебѣ́ да прiи́детъ. (Пс. 101,3) Не отврати́ лица́ твоего́ от мене́: въ о́ньже а́ще де́нь скорблю́, приклони́ ко мнѣ́ у́хо твое́: въ о́ньже а́ще де́нь призову́ тя, ско́ро услы́ши мя́.
01:45 (Пс. 101,4) Я́ко изчезо́ша я́ко ды́мъ дні́е мои́, и ко́сти моя́ я́ко суши́ло сосхо́шася.
02:26 (Пс. 101,5) Уя́звленъ бы́хъ я́ко трава́, и и́зсше се́рдце мое́, я́ко забы́хъ снѣ́сти хлѣ́бъ мо́й.
03:03 (Пс. 101,6) От гла́са воздыха́нiя моего́ прильпе́ ко́сть моя́ пло́ти мое́й.
06:30 (Пс. 101,7) Уподо́бихся *нея́сыти пусты́ннѣй, бы́хъ я́ко нощны́й *вра́нъ на *ны́рищи {на разва́линѣ}.
07:51 (Пс. 101,8) Бдѣ́хъ и бы́хъ я́ко пти́ца осо́бящаяся на здѣ́ {на кро́вѣ}.
08:20 (Пс. 101,9) Ве́сь де́нь поноша́ху ми́ врази́ мои́, и хва́лящiи мя́ мно́ю {на мя́} кленя́хуся.
09:12 (Пс. 101,10) Зане́ пе́пелъ я́ко хлѣ́бъ ядя́хъ и питiе́ мое́ съ пла́чемъ растворя́хъ,
09:44 (Пс. 101,11) от лица́ гнѣ́ва твоего́ и я́рости твоея́: я́ко возне́съ низве́рглъ мя́ еси́.
10:03 (Пс. 101,12) Дні́е мои́ я́ко сѣ́нь уклони́шася, и а́зъ я́ко сѣ́но изсхо́хъ.
10:51 (Пс. 101,13) Ты́ же, Го́споди, во вѣ́къ пребыва́еши, и па́мять твоя́ въ ро́дъ и ро́дъ.
11:12 (Пс. 101,14) Ты́ *воскре́съ уще́дриши Сiо́на: я́ко вре́мя уще́дрити его́, я́ко прiи́де вре́мя. Я́ко благоволи́ша раби́ твои́ ка́менiе {о ка́менiи} его́, и пе́рсть его́ уще́дрятъ.
13:00 (Пс. 101,16) И убоя́тся язы́цы и́мене Госпо́дня, и вси́ ца́рiе зе́мстiи сла́вы твоея́: я́ко сози́ждетъ Госпо́дь Сiо́на и яви́тся во сла́вѣ свое́й.
13:56 (Пс. 101,18) Призрѣ́ на моли́тву смире́нныхъ и не уничижи́ моле́нiя и́хъ.
14:15 (Пс. 101,19) Да напи́шется сiе́ въ ро́дъ и́нъ, и лю́дiе зи́ждемiи восхва́лятъ Го́спода:
14:32 (Пс. 101,20) я́ко прини́че съ высоты́ святы́я своея́, Госпо́дь съ небесе́ на зе́млю призрѣ́,
15:00 (Пс. 101,21) услы́шати воздыха́нiе окова́нныхъ, разрѣши́ти сы́ны умерщвле́нныхъ:
15:26 (Пс. 101,22) возвѣсти́ти въ Сiо́нѣ и́мя Госпо́дне и хвалу́ его́ во Иерусали́мѣ,
15:37 (Пс. 101,23) внегда́ собра́тися лю́демъ вку́пѣ и царе́мъ, е́же рабо́тати Го́сподеви.
15:48 (Пс. 101,24) Отвѣща́ ему́ на пути́ крѣ́пости его́: умале́нiе дні́й мои́хъ возвѣсти́ ми:
16:03 (Пс. 101,25) не возведи́ мене́ во преполове́нiе дні́й мои́хъ: въ ро́дѣ родо́въ лѣ́та твоя́.
16:50 (Пс. 101,26) Въ нача́лѣхъ ты́, Го́споди, зе́млю основа́лъ еси́, и дѣла́ руку́ твое́ю су́ть небеса́.
17:13 (Пс. 101,27) Та́ поги́бнутъ, ты́ же пребыва́еши: и вся́ я́ко ри́за обетша́ютъ, и я́ко оде́жду свiе́ши я́, и измѣня́тся.
17:51 (Пс. 101,28) Ты́ же то́йжде еси́, и лѣ́та твоя́ не оскудѣ́ютъ.
18:20 (Пс. 101,29) Сы́нове ра́бъ твои́хъ вселя́тся, и сѣ́мя и́хъ во вѣ́къ испра́вится.
18:42 О псалме.
