Библейские чтения 16 декабря 2019 года. Толкование на псалом 103.
00:00 Псало́мъ Дави́ду, о мiрстѣ́мъ бытiи́.
00:49 (Пс. 103,1) Благослови́*, душе́ моя́, Го́спода. Го́споди Бо́же мо́й, возвели́чился еси́ зѣло́: во исповѣ́данiе* и въ велелѣ́поту обле́клся* еси́:
05:50 (Пс. 103,2) одѣя́йся свѣ́томъ я́ко ри́зою, простира́яй не́бо я́ко ко́жу:
07:14 (Пс. 103,3) покрыва́яй вода́ми* превы́спренняя своя́, полага́яй о́блаки на восхожде́нiе свое́, ходя́й на крилу́ вѣ́треню:
13:10 (Пс. 103,4) творя́й а́нгелы своя́ ду́хи, и слуги́ своя́ пла́мень о́гненный:
14:46 (Пс. 103,5) основа́яй зе́млю на тве́рди ея́: не преклони́тся въ вѣ́къ вѣ́ка.
16:55 (Пс. 103,6) Бе́здна я́ко ри́за одѣя́нiе ея́, на гора́хъ ста́нутъ во́ды:
20:54 (Пс. 103,7) от запреще́нiя твоего́ побѣ́гнутъ, от гла́са гро́ма твоего́ убоя́тся.
21:33 (Пс. 103,8) *Восхо́дятъ го́ры, и *низхо́дятъ поля́, въ мѣ́сто е́же основа́лъ еси́ и́мъ.
26:58 (Пс. 103,9) Предѣ́лъ положи́лъ еси́, его́же не пре́йдутъ, ниже́ обратя́тся покры́ти зе́млю.
28:15 (Пс. 103,10) Посыла́яй исто́чники въ де́брехъ, посредѣ́ го́ръ про́йдутъ во́ды.
31:07 (Пс. 103,11) Напая́ютъ вся́ звѣ́ри се́лныя, жду́тъ {воспрiи́мутъ} она́гри въ жа́жду свою́.
33:17 (Пс. 103,12) На ты́хъ пти́цы небе́сныя привита́ютъ: от среды́ ка́менiя дадя́тъ гла́съ.
35:45 (Пс. 103,13) Напая́яй го́ры от превы́спреннихъ свои́хъ: от плода́ дѣ́лъ твои́хъ насы́тится земля́.
37:17 (Пс. 103,14) Прозяба́яй траву́ ското́мъ, и зла́къ на слу́жбу человѣ́комъ, извести́ хлѣ́бъ от земли́:
35:52 (Пс. 103,15) и вино́ весели́тъ се́рдце человѣ́ка, ума́стити лице́ еле́емъ: и хлѣ́бъ се́рдце человѣ́ка укрѣпи́тъ.
47:25 (Пс. 103,16) Насы́тятся древа́ польска́я, ке́дри Лива́нстiи, и́хже еси́ насади́лъ:
48:29 (Пс. 103,17) та́мо пти́цы вогнѣздя́тся, ероді́ево жили́ще предводи́телствуетъ и́ми.
50:02 (Пс. 103,18) Го́ры высо́кiя еле́немъ, ка́мень прибѣ́жище за́яцемъ.
57:50 (Пс. 103,19) Сотвори́лъ е́сть луну́ во времена́: со́лнце позна́ за́падъ сво́й.
58:37 (Пс. 103,20) Положи́лъ еси́ тму́, и бы́сть но́щь, въ не́йже про́йдутъ вси́ звѣ́рiе дубра́внiи,
01:00:00 (Пс. 103,21) ски́мни рыка́ющiи восхи́тити и взыска́ти от Бо́га пи́щу себѣ́.
01:01:17 (Пс. 103,22) Возсiя́ со́лнце, и собра́шася, и въ ло́жахъ свои́хъ ля́гутъ.
01:01:31 (Пс. 103,23) Изы́детъ человѣ́къ на дѣ́ло свое́ и на дѣ́ланiе свое́ до ве́чера.
01:01:48 (Пс. 103,24) Я́ко возвели́чишася дѣла́ твоя́, Го́споди: вся́ прему́дростiю сотвори́лъ еси́: испо́лнися земля́ тва́ри твоея́.
01:02:27 (Пс. 103,25) Сiе́ мо́ре вели́кое и простра́нное: та́мо га́ди, и́хже нѣ́сть числа́, живо́тная ма́лая съ вели́кими:
01:03:31 (Пс. 103,26) та́мо корабли́ препла́ваютъ, змі́й се́й, его́же созда́лъ еси́ руга́тися ему́.
01:06:29 (Пс. 103,27) Вся́ къ тебѣ́ ча́ютъ, да́ти пи́щу и́мъ во бла́го вре́мя.
01:07:04 (Пс. 103,28) Да́вшу тебѣ́ и́мъ, соберу́тъ: отве́рзшу тебѣ́ ру́ку, вся́ческая испо́лнятся бла́гости:
01:07:40 (Пс. 103,29) отвра́щшу же тебѣ́ лице́, возмяту́тся: отъи́меши ду́хъ и́хъ, и изче́знутъ и въ пе́рсть свою́ возвратя́тся:
01:08:22 (Пс. 103,30) по́слеши Ду́ха твоего́, и сози́ждутся, и обнови́ши лице́ земли́.
01:08:40 (Пс. 103,31) Бу́ди сла́ва Госпо́дня во вѣ́ки: возвесели́тся Госпо́дь о дѣ́лѣхъ свои́хъ:
01:09:30 (Пс. 103,32) призира́яй на зе́млю и творя́й ю́ трясти́ся: прикаса́яйся гора́мъ, и дымя́тся.
01:10:22 (Пс. 103,33) Воспою́ Го́сподеви въ животѣ́ мое́мъ, пою́ Бо́гу моему́, до́ндеже е́смь:
01:11:59 (Пс. 103,34) да услади́тся ему́ бесѣ́да моя́, а́зъ же возвеселю́ся о Го́сподѣ.
01:12:30 (Пс. 103,35) Да изче́знутъ грѣ́шницы от земли́, и беззако́нницы, я́коже не бы́ти и́мъ. Благослови́, душе́ моя́, Го́спода.
