Лекция 1 апреля 2019 г. цикла «Библия о сотворении мира» в центре Лествица при храме иконы Божией Матери Всех скорбящих Радость. Толкование на псалом 76 и 77
Ответы на вопросы.
05:30 (Пс. 76,1) Въ коне́цъ, о Идиѳу́мѣ, псало́мъ Аса́фу.
09:12 Чтение Псалма 76.
11:30 (Пс. 76,2) Гла́сомъ мои́мъ ко Го́споду воззва́хъ, гла́сомъ мои́мъ къ Бо́гу, и вня́тъ ми́.
12:50 (Пс. 76,3) Въ де́нь ско́рби моея́ Бо́га взыска́хъ рука́ма мои́ма, но́щiю предъ ни́мъ, и не прельще́нъ бы́хъ: отве́ржеся утѣ́шитися душа́ моя́.
15:10 (Пс. 76,4) Помяну́хъ Бо́га и возвесели́хся, поглумля́хся {размышля́хъ}, и малоду́шствоваше ду́хъ мо́й.
21:12 (Пс. 76,5) Предвари́стѣ стражбы́ о́чи мои́: смято́хся и не глаго́лахъ.
22:02 (Пс. 76,6) Помы́слихъ дни́ пе́рвыя, и лѣ́та вѣ́чная помяну́хъ, и поуча́хся:
23:31 (Пс. 76,7) но́щiю се́рдцемъ мои́мъ глумля́хся, и тужа́ше {размышля́хъ, и испы́товаше} ду́хъ мо́й:
24:56 (Пс. 76,8) еда́ во вѣ́ки отри́нетъ Госпо́дь и не приложи́тъ благоволи́ти па́ки?
25:25 (Пс. 76,9) или́ до конца́ ми́лость свою́ отсѣче́тъ, сконча́ глаго́лъ от ро́да въ ро́дъ?
25:43 (Пс. 76,10) еда́ забу́детъ уще́дрити Бо́гъ? или́ удержи́тъ во гнѣ́вѣ свое́мъ щедро́ты своя́?
26:15 (Пс. 76,11) И рѣ́хъ: ны́нѣ нача́хъ, сiя́ измѣ́на десни́цы вы́шняго.
29:39 (Пс. 76,12) Помяну́хъ дѣла́ Госпо́дня: я́ко помяну́ от нача́ла чудеса́ твоя́,
30:00 (Пс. 76,13) и поучу́ся во всѣ́хъ дѣ́лѣхъ твои́хъ, и въ начина́нiихъ твои́хъ поглумлю́ся {размышля́ти бу́ду}.
30:32 (Пс. 76,14) Бо́же, во святѣ́мъ пу́ть тво́й: кто́ Бо́гъ ве́лiй, я́ко Бо́гъ на́шъ?
31:35 (Пс. 76,15) Ты́ еси́ Бо́гъ творя́й чудеса́: сказа́лъ еси́ въ лю́дехъ си́лу твою́,
31:47 (Пс. 76,16) изба́вилъ еси́ мы́шцею твое́ю лю́ди твоя́, сы́ны Иа́ковли и Ио́сифовы.
37:23 (Пс. 76,17) Ви́дѣша тя́ во́ды, Бо́же, ви́дѣша тя́ во́ды и убоя́шася: смято́шася бе́здны.
38:14 (Пс. 76,18) Мно́жество шу́ма во́дъ: гла́съ да́ша о́блацы, и́бо стрѣ́лы твоя́ прехо́дятъ. (Пс. 76,19) Гла́съ гро́ма твоего́ въ колеси́, освѣти́ша мо́лнiя твоя́ вселе́нную: подви́жеся и тре́петна бы́сть земля́.
39:30 (Пс. 76,20) Въ мо́ри путiе́ твои́, и стези́ твоя́ въ вода́хъ мно́гихъ, и слѣды́ твои́ не позна́ются.
40:15 (Пс. 76,21) Наста́вилъ еси́ я́ко о́вцы лю́ди твоя́ руко́ю Моисе́овою и Ааро́нею.
42:42 Вопросы
45:27 Ра́зума Аса́фу.
45:29 Чтение псалма 77.
53:39 (Пс. 77,1) Внемли́те, лю́дiе мои́, зако́ну моему́, приклони́те у́хо ва́ше во глаго́лы у́стъ мои́хъ.
54:13 (Пс. 77,2) Отве́рзу въ при́тчахъ уста́ моя́, провѣща́ю гана́нiя испе́рва.
57:09 (Пс. 77,3) Ели́ка слы́шахомъ и позна́хомъ я́, и отцы́ на́ши повѣ́даша на́мъ:
57:21,59:59 (Пс. 77,4) не утаи́шася от ча́дъ и́хъ въ ро́дъ и́нъ, возвѣща́юще хвалы́ Госпо́дни, и си́лы его́ и чудеса́ его́, я́же сотвори́.
57:39 (Пс. 77,5) И воздви́же свидѣ́нiе во Иа́ковѣ, и зако́нъ положи́ во Изра́или, ели́ка заповѣ́да отце́мъ на́шымъ сказа́ти я́ сыново́мъ свои́мъ,
1:00:39 (Пс. 77,6) я́ко да позна́етъ ро́дъ и́нъ, сы́нове родя́щiися, и воста́нутъ и повѣ́дятъ я́ сыново́мъ свои́мъ:
1:00:49 (Пс. 77,7) да положа́тъ на Бо́га упова́нiе свое́, и не забу́дутъ дѣ́лъ Бо́жiихъ, и за́повѣди его́ взы́щутъ:
1:01:07 (Пс. 77,8) да не бу́дутъ я́коже отцы́ и́хъ, ро́дъ стропти́въ и преогорчева́яй, ро́дъ и́же не испра́ви се́рдца своего́ и не увѣ́ри съ Бо́гомъ ду́ха своего́.
1:01:49 (Пс. 77,9) Сы́нове Ефре́мли наляца́юще и стрѣля́юще лу́ки возврати́шася въ де́нь бра́ни:
1:03:43 (Пс. 77,10) не сохрани́ша завѣ́та Бо́жiя, и въ зако́нѣ его́ не восхотѣ́ша ходи́ти. (Пс. 77,11) И забы́ша благодѣя́нiя его́ и чудеса́ его́, я́же показа́ и́мъ (Пс. 77,12) предъ отцы́ и́хъ, я́же сотвори́ чудеса́ въ земли́ Еги́петстѣй, на по́ли танео́сѣ:
1:04:09 (Пс. 77,13) разве́рзе мо́ре и проведе́ и́хъ: предста́ви во́ды я́ко мѣ́хъ,
1:04:52 (Пс. 77,14) и наста́ви я́ о́блакомъ во дни́ и всю́ но́щь просвѣще́нiемъ огня́.
1:05:18 (Пс. 77,15) Разве́рзе ка́мень въ пусты́ни и напои́ я́ я́ко въ бе́зднѣ мно́зѣ: (Пс. 77,16) и изведе́ во́ду изъ ка́мене и низведе́ я́ко рѣ́ки во́ды.
1:05:35 (Пс. 77,17) И приложи́ша еще́ согрѣша́ти ему́, преогорчи́ша вы́шняго въ безво́днѣй:
1:05:48 (Пс. 77,18) и искуси́ша Бо́га въ сердца́хъ свои́хъ, воспроси́ти бра́шна душа́мъ свои́мъ. (Пс. 77,19) И клевета́ша на Бо́га и рѣ́ша: еда́ возмо́жетъ Бо́гъ угото́вати трапе́зу въ пусты́ни? (Пс. 77,20) Поне́же порази́ ка́мень, и потеко́ша во́ды, и пото́цы наводни́шася: еда́ и хлѣ́бъ мо́жетъ да́ти? или́ угото́вати трапе́зу лю́демъ свои́мъ?
1:06:34 (Пс. 77,21) Сего́ ра́ди слы́ша Госпо́дь и презрѣ́, и о́гнь возгорѣ́ся во Иа́ковѣ, и гнѣ́въ взы́де на Изра́иля: (Пс. 77,22) я́ко не вѣ́роваша богови, ниже́ упова́ша на спасе́нiе его́. (Пс. 77,23) И заповѣ́да облако́мъ свы́ше, и две́ри небесе́ отве́рзе: (Пс. 77,24) и одожди́ и́мъ ма́нну я́сти, и хлѣ́бъ небе́сный даде́ и́мъ. (Пс. 77,25) Хлѣ́бъ а́нгелскiй яде́ человѣ́къ: бра́шно посла́ и́мъ до сы́тости.
1:07:29 (Пс. 77,26) Воздви́же ю́гъ съ небесе́, и наведе́ си́лою свое́ю Ли́ва:
1:07:43 (Пс. 77,27) и одожди́ на ня́ я́ко пра́хъ пло́ти, и я́ко песо́къ морскі́й пти́цы перна́ты. (Пс. 77,28) И нападо́ша посредѣ́ ста́на и́хъ, о́крестъ жили́щъ и́хъ.(Пс. 77,29) И ядо́ша и насы́тишася зѣло́, и жела́нiе и́хъ пренесе́ и́мъ.
1:09:44 (Пс. 77,30) Не лиши́шася от жела́нiя своего́: еще́ бра́шну су́щу во устѣ́хъ и́хъ, (Пс. 77,31) и гнѣ́въ Бо́жiй взы́де на ня́, и уби́ мно́жайшая и́хъ, и избра́ннымъ Изра́илевымъ запя́тъ.
1:09:40 (Пс. 77,32) Во всѣ́хъ си́хъ согрѣши́ша еще́ и не вѣ́роваша чудесе́мъ его́:
1:10:22 (Пс. 77,33) и изчезо́ша въ суетѣ́ дні́е и́хъ, и лѣ́та и́хъ со тща́нiемъ.
1:10:40 (Пс. 77,34) Егда́ убива́ше я́, тогда́ взыска́ху его́ и обраща́хуся и у́треневаху къ Бо́гу:
1:11:00 (Пс. 77,35) и помяну́ша, я́ко Бо́гъ помо́щникъ и́мъ е́сть, и Бо́гъ вы́шнiй изба́витель и́мъ е́сть:
1:11:13 (Пс. 77,36) и возлюби́ша его́ усты́ свои́ми, и язы́комъ свои́мъ солга́ша ему́:
1:11:31 (Пс. 77,37) се́рдце же и́хъ не бѣ́ пра́во съ ни́мъ, ниже́ увѣ́ришася въ завѣ́тѣ его́.
1:11:56 (Пс. 77,38) То́й же е́сть ще́дръ, и очи́ститъ грѣхи́ и́хъ, и не растли́тъ: и умно́житъ отврати́ти я́рость свою́, и не разжже́тъ всего́ гнѣ́ва своего́. (Пс. 77,39) И помяну́, я́ко пло́ть су́ть, ду́хъ ходя́й и не обраща́яйся:
1:12:46 (Пс. 77,40) колькра́ты преогорчи́ша его́ въ пусты́ни, прогнѣ́ваша его́ въ земли́ безво́днѣй?
1:13:14 (Пс. 77,41) и обрати́шася, и искуси́ша Бо́га, и свята́го Изра́илева раздражи́ша:
1:13:50 (Пс. 77,42) и не помяну́ша руки́ его́ въ де́нь, въ о́ньже изба́ви я́ изъ руки́ оскорбля́ющаго: (Пс. 77,43) я́коже положи́ во Еги́птѣ зна́менiя своя́, и чудеса́ своя́ на по́ли танео́сѣ:
1:14:31 (Пс. 77,44) и преложи́ въ кро́вь рѣ́ки и́хъ и исто́чники и́хъ, я́ко да не пiю́тъ. (Пс. 77,45) Посла́ на ня́ пе́сiя му́хи, и поядо́ша я́, и жа́бы, и растли́ я́: (Пс. 77,46) и даде́ ржѣ́ плоды́ и́хъ, и труды́ и́хъ пруго́мъ.
1:15:17 (Пс. 77,47) Уби́ гра́домъ виногра́ды и́хъ и черни́чiе и́хъ сла́ною:
1:15:54 (Пс. 77,48) и предаде́ гра́ду скоты́ и́хъ, и имѣ́нiе и́хъ огню́. (Пс. 77,49) Посла́ на ня́ гнѣ́въ я́рости своея́, я́рость и гнѣ́въ и ско́рбь, посла́нiе а́ггелы лю́тыми.(Пс. 77,50) Путесотвори́ стезю́ гнѣ́ву своему́, и не пощадѣ́ от сме́рти ду́шъ и́хъ, и скоты́ и́хъ въ сме́рти заключи́: (Пс. 77,51) и порази́ вся́кое перворо́дное въ земли́ Еги́петстѣй, нача́токъ вся́каго труда́ и́хъ въ селе́нiихъ Ха́мовыхъ.
1:17:08 (Пс. 77,52) И воздви́же я́ко о́вцы лю́ди своя́, и возведе́ я́ я́ко ста́до въ пусты́ни:
1:17:29 (Пс. 77,53) и наста́ви я́ на упова́нiе, и не убоя́шася: и враги́ и́хъ покры́ мо́ре.
1:17:55 (Пс. 77,54) И введе́ я́ въ го́ру святы́ни своея́, го́ру сiю́, ю́же стяжа́ десни́ца его́.
1:18:05 (Пс. 77,55) И изгна́ от лица́ и́хъ язы́ки, и по жре́бiю даде́ и́мъ [зе́млю] у́жемъ жребодая́нiя, и всели́ въ селе́нiихъ и́хъ колѣ́на Изра́илева.
1:19:51 (Пс. 77,56) И искуси́ша и преогорчи́ша Бо́га вы́шняго, и свидѣ́нiй его́ не сохрани́ша: (Пс. 77,57) и отврати́шася и отверго́шася, я́коже и отцы́ и́хъ: преврати́шася въ лу́къ развраще́нъ:
1:20:05 (Пс. 77,58) и прогнѣ́ваша его́ въ хо́лмѣхъ свои́хъ, и во истука́нныхъ свои́хъ раздражи́ша его́.
1:21:04 (Пс. 77,59) Слы́ша Бо́гъ и презрѣ́, и уничижи́ зѣло́ Изра́иля:
1:21:21 (Пс. 77,60) и отри́ну ски́нiю Сило́мскую, селе́нiе е́же {селе́нiе свое́, идѣ́же} всели́ся въ человѣ́цѣхъ: (Пс. 77,61) и предаде́ въ плѣ́нъ крѣ́пость и́хъ, и добро́ту и́хъ въ ру́ки враго́въ: (Пс. 77,62) и затвори́ во ору́жiи лю́ди своя́ и достоя́нiе свое́ презрѣ́. (Пс. 77,63) Ю́ношы и́хъ пояде́ о́гнь, и дѣ́вы и́хъ не осѣ́тованы бы́ша: (Пс. 77,64) свяще́нницы и́хъ мече́мъ падо́ша, и вдови́цы и́хъ не опла́каны бу́дутъ.
1:24:01 (Пс. 77,65) И воста́ я́ко спя́ Госпо́дь, я́ко си́ленъ и шу́менъ от вина́: (Пс. 77,66) и порази́ враги́ своя́ вспя́ть, поноше́нiе вѣ́чное даде́ и́мъ: (Пс. 77,67) и отри́ну селе́нiе Ио́сифово, и колѣ́но Ефре́мово не избра́: (Пс. 77,68) и избра́ колѣ́но Иу́дово, го́ру Сiо́ню, ю́же возлюби́:
1:26:22 (Пс. 77,69) и созда́ я́ко единоро́га святи́лище свое́: на земли́ основа́ и́ въ вѣ́къ.
1:26:40 (Пс. 77,70) И избра́ Дави́да раба́ своего́, и воспрiя́тъ его́ от ста́дъ о́вчихъ: (Пс. 77,71) от дои́лицъ поя́тъ его́, пасти́ Иа́кова раба́ своего́, и Изра́иля достоя́нiе свое́. (Пс. 77,72) И упасе́ я́ въ незло́бiи се́рдца своего́, и въ ра́зумѣхъ руку́ свое́ю наста́вилъ я́ е́сть.
